= هاااااااار أسود .. فين ده ؟ ? – استنى بس اقعد هقولك .. لو صحيت الصبح و بلغولك بالخبر ده , تفتكر أثر الحريق على خرسانة المبنى هيكون ايه ؟ = حريق ايه وه مبنى ايه و خرسانة مين بس .. ياعم انا فى كهربا انا مالى !! – كهربا !! .. اممم طيب روح شوف انت وراك ايه و ابعتلى اخوك بتاع مدنى يكمل معايا البوست عشان مهم بالنسباله >>
بص يا سيدى .. احنا طبعا متفقين أن الخرسانة المسلحة بتتميز بمقاومتها الجيدة للحريق بالمقارنة بالصلب والخشب وكان ده أحد أسباب انتشار استخدامها كمادة إنشائية من اواخر القرن اللى فات. انت عارف كمان ان الجمعية الأمريكية للوقاية من الحريق NFPA (أهم جمعية علمية في مجال الحماية من الحريق على مستوى العالم) بتصنف المنشآت من حيث مقاومتها للحريق لخمس فئات مترتبة تنازلياً من حيث الأفضلية، وبتحط الهياكل الخرسانة المسلحة المترابطة في الفئة الأولى (Class A)، وبتصفها بأنها مقاومة للحريق Fire Resistive و الصفة ديه لا تعني إنها لا تتأثر بالحريق ولكن تعني أنها تستطيع مقاومة هذا التأثير لمدة معينة، وده على اساس فرض بديهي وهو أن تكون مصممة ومنفذة بطريقة سليمة. بس ده مش معناه أنها لا تتصدع لو تعرضت لحريق يدوم عدة ساعات وعشان كده كان من الضروري اننا نعرف تأثير درجات الحرارة المرتفعة علي الخرسانة وصلب التسليح بهدف:- 1- معرفة مدي التصدع وانخفاض المقاومة إذا تعرض المنشأ الخرساني للحريق فعلا. 2- تصميم الأعضاء الخرسانة لمقاومة الحريق لمدة معينة بيحددها الكود. و ده عشان مقاومة الخرسانة بتتأثربالضغط بالارتفاع الشديد لدرجة الحرارة حيث تفقد جزء من مقاومتها لما تتعدي درجة الحرارة 200-250 درجة مئوية ولكن التصدع بيبدأ من درجة حرارة 300درجة مئوية عندما يبلغ الفاقد في المقاومة حوالي 30% من مقاومة الضغط للخرسانة وتستمر زيادة الفاقد فى المقاومة مع ارتفاع درجة الحرارة بحيث يوصل إلى 70% في حالة زيادة درجة الحرارة عن 500 درجة مئوية وبتستمر برضه عند تبريدها أثناء اطفاء الحريق ولو مزادتش الحرارة المعرضة لها الخرسانة عن300 م فهى غالبا هتستعيد معظم مقاومتها مع الوقت.
