بعد مماتك يا أمي

بقلم الشاعر ايـــثـر نــوفــل
بعد مماتك يا أمي…
من غيرك يا امي الدنيا لا تبقي ليها لازمة
حياتي كلها متعطلة وواقفة وكلها أزمة
كأني ماشي علي الشوك من غير جذمة
من غيرك يا أمي عايش في الدنيا تعيس
من بعدك مفيش رحمة وبلاقي كل واحد خبيث
من بعدك يا امي لا في حب ولا حنين
عايش حياتي مسكين و بتملاني دموع العين
لا الدنيا فيها بهجة ووشي كله حزين
بعد مماتك اجري في الدنيا ادور عليكي
مش مصدق اللي حصل نفسي اعيش معاكي
و تاخديني في حضنك وابقي بين ايديكي
رفعت الشعار بعد ما عقلي طار
بقيت مجنون وبقي عليا منظار
الناس شايفاني طور هايج ومحتار
بعد مماتك يا أمي..