جريدة الدولة الآن :: لن يفوتك خبر ::
كتبت ايمان جابر
دائما في أمل بيكون جواك كده ماتعرفش جاي منين
بس من كتر ما انت واثق في ربنا انه معاك
وجنبك ووراك في كل خطوة بتخطيها
دائما حاسس ان في حاجة جميلة ممكن
تحصل في علم الغيب تستحق انتظارك ده و تستحق
تعبك اللي بتمر بيه دلوقتي بتتفائل خير و صابر علي بلائك
ده اسمه حسن ظن بالله
انك متفائل بيه و متأكد ان ربنا مش هيسيبك ومعاك
صابر و بتعافر و بتعاند في كل حاجة بتيأسك و بتخليك تقع
مش عيب اصلا انك تقع
اقع و اتعلم وارجع اقف و قاوم الدنيا تاني
اصل الحياة معاافرة و بتتعاش مرة واحدة بس
ياتعيشها بحلوها ومرها و بكل الوانها و انت راضي
و متيقن خير في ربك انه مش بيعملك حاجة وحشة
يا تفضل زعلان و مكتئب ومنطوي
علي نفسك و لوحدك طول الوقت
كل انسان يري الحياة بعين طبعه
ولو انت اخدت كل مشكلة من زاوية ان ربنا بيعلمك
بيها درس و موعظة ليك مش حاجة وحشة زي ما انت فااكر
وحمدته علي كل ابتلاء هترتاح و هيرضيك اكتر واكتر
و علي رأي فيروز
في امل ايه في أمل ~ أوقات بيطلع من ملل
واوقات بيرجع من شي حنين ~ لحظة تخفف زعل
