سالي عبدالسلام :قصة التحدي وانتشال الذات بصبر وإيمان

    كتبت هبة عثمان /السودان

سطور مؤثرة لسالي عبدالسلام وقصة التحدي وانتشال الذات بصبر وإيمان عالي سردتها لمتابعيها عبر صفحتها على وسائل التواصل الفيس بوك، رغم كونها المذيعة المشهورة إلا أنها تتعامل مع الفانز ومتابعين صفحتها بعفوية وفي الفترة الأخيرة تكرر سؤالها عن شعرها وكيف تعتني به؟ إلا أنه البعض من باب الدعابة ازعجها واستفزها فكانت هذه السطور من واقع الألم والمعاناة حكاية إصرار وتحدي لشفاء والخروج بقلب أسد رغم ما قاسته من تجربتها مع المرض، فهي رأت في مرضى مستشفي “57357 ” بعد زيارتها لهم الفارس الذي رغم جراحاته لايزال متمسك بجواده يحارب حتى الأنفاس الأخيرة بضحكة من قلب المعاناة، فالفرح آت ولو بعد حين إليكم كلماتها من على صفحتها على الفيس بوك

“كان بقالى سنة بحضر للزيارة دى!
بعد ما الحمدلله ربنا عفا عنى..وشفانى بعد ابتلاء واختبار..
كنت زعلانة على نفسى سنة ومش عارفة افرح!!
بس رحت للناس الاقوى منى اللى خسرت شعرها كله ولسه مش عارفة هتعالج المرض ده ولا لا! رحت اتعلم الرضا..
رحت اتعلم الحمد بضمير مرتاح..
رحت عشان اعرف الابتلاء واتعلم منهم…رحت اهون عليهم !

قبل فرح اخويا بيوم!!! من سنة تقريباً بتعالج بالكورتيزون واتبهدلت..جسمى ووشى كله اتبهدل عشان اعالج شعرى ..الحمدلله حقن الكورتيزون فى الرأس كل اسبوع ٧٠ شكة عداهم! من وجعها وتقلها وحرقانها دموعى كانت بتنزل لوحدها والدكتورة تطبطب عليا (سماح الملاح ..ربى يسعدك) وامى مستحملتش من اول مرة مردش اجيبها تانى معايا وكنت بخبى عليها واقولها مخدتش الاسبوع ده!

جالى ١٢ ثعلبة فى شعرى فاضيين تماماً سبحانك!
لا stress ولا زعل ولا كلام فاضى الدكتور نفسه قالى عين انا مشفتش حد كدة!!! وانا قلت لا..
مع ان العين حق..وانا مؤمنة بالحسد ولا اتناقش فيه وميهمنيش رأى حد..

ومن الاسباب مشكلة فى مناعة جسمى …جسمى كله كان بيهاجم شعرى …سبحانك ..الحمدلله
ابتلاء فى اكتر حاجة بحبها و بخاف عليها!

قعدت اتعالج ٤ شهور غلط و كان شعرى كله هيروح وكانت كل شوية بتكبر وكانوا اتنين لفيت على ٨ دكاترة عشان مكسوفة اروح لدكتور معروف! او حتى اعمل شعرى عند كوافير عشان مضايقة ومكسوفة منها حتى فى تصوير لبنان لحد ما تطلع الحمدلله

المذيعة مفيدة شيحة كلمتنى وكلمتلى لدكتور عاصم فرج و مخدش منى اى فلوس وكنت مش عارفة اشكره او اشكرها ازاى!
فى ميزان حسناتكم فكيتوا كربى…
ربى يسعدكم
ش
وللناس اللى بتسأل على روتين ازاى بهتم بشعرى وmsgs مش برد عليها والله ما عندى روتين وعشان كدة مش برد مش خبث!
ربنا يبعدنا عن اى خبث و ربنا يعلم انى لو فى اى حاجة اقدر افيد بيها هرد دايماً…
انا بستعمل شامبو وبلسم للاطفال ومعروف و حمامات كريم كلها مصرى مش مستوردة و مش بغلاء المنتج النتيجة بتبقى احسن! ابداً والله …
وفى الأخر كلها جينات وبتختلف من حد لحد!! محدش فينا زى التانى!

وجالى اعلانات منتجات كتير مش شعر بس وجربتها ومفيش منها نفع..ومش هعملها لو مش مقتنعة!!!!!!

ناس من اهل بيتى عارضتنى انى برفض الرزق..واتمسكت بموقفى!!
الله الغنى عن اى رزق مش مقتنعة بيه او مش شايفاه حلال ويسترنا..

لو تعرف انهم ٢٤ قيراط وترضى بدل ما تستكتر على حد حاجة واتحرم من حاجة بدالها وربنا وزعهم بالعدل وباللى شايفاه انفع ليك..
بحمد ربنا على شخصيتى ولا عايزة اأثر على حد ولا حد يأثر عليا
وارجع تانى واقول لكم دينكم وليا دينى..لكم افكاركم وليا افكارى
والله وبحلف بالله مش شايفة حد..ومش فارق معايا لا نقد ولا كلام حد..هنزل قبرى لوحدى..محدش هينفعنى! “.