ثقف نفسك غذائيا

النكتار
نسبة العصير ضعيفه جدا وسكر عالي زي سكر السكروز أو الفركتوز والماء المضاف عالي جدا اكتر من العصير
حطه على الرف مكانه تاني

الشراب :
هو اسوأ نوع فيهم وهو مسحوق البودرة اللي بتدوب في الماء ويباع علي هيئة اكياس وتضيف عليها الماء وتشربها … او بتكون أيضاً في صورة سائل مركز وتباع في زجاجات و بتحط شوية صغيرة في الكوباية و تضيف عليها ماء و سكر و مفيهاش شيء طبيعي وانما منكهات صناعية
نسبه العصير من الفاكهة لا تتجاوز 10% ومضاف عليه الوان ومكسبات طعم ونكهات ومواد حافظه

و النوع دا بيعمل ضغط علي الكلية كبير لطرح كل المواد الضارة بالاضافة لاخذ كميات كبيرة من السكر والملونات والمواد الحافظة الضارة بالجسم و بتسبب طبعا سمنة و زيادة في الوزن … حطه على الرف مكانه تاني واوعي تقربله

العصير:
معصور من الفاكهة فعلا وبدون ملونات ولا سكر … يكتب عليه مكوناته وهي عصير فاكهة طبيعي ممكن تعمله في البيت او معصور طازه في محلات
وان كان يعيبه انك تخلصت من الالياف المفيده في حالة العصر زي البرتقال مثلا … وبتحتاج عدد كبير من البرتقال مثلا لعمل كوب واحد
و ده معناه كم سكر يصل ل 40 جرام … ولكن اذا ضرب في الخلاط موز او فراوله او ماشابه فا ده احسن … ولكن المهم مراعاة الكميه لان في النهايه السكر الطبيعي في الفاكهه هو سكر في النهايه
واذا كنت مريض سكر لاتنخدع باي منتج مكتوب عليه بدون سكر مضاف فهو غير مناسب ليك … اضرب الفاكهة اللي بتحبها في الخلاط واشربها بالالياف بتاعتها و دا افضل واحسن من انك تشربها مصفاة من الالياف و بلاش تضيف عليها سكر …

العصير المعاد تكوينه:
هو عصير مستخلص من الفاكهه … ويتم تصنيعة بسحب كمية الماء من الفاكهه أو العصير … تصل كمية الماء في الفاكهة إلى 90 % و إبقاء العصير المركز بعد ما يتم سحب الماء منه و يقوم المصنع بعملية تانيه بإعادة تكوين العصير بإعادة كمية الماء فيه لكن مختلفه عن الطبيعية و كده بقى معاد التكوين. جايز ده أقرب صوره للعصير الطبيعي ولكن ليس مفيد كالعصير الطبيعي …

الخلاصه الفاكهة تتاكل مش تتعصر او تتضرب في الخلاط و ميتحطش عليها سكر