عايز تعرف اخبار ابنك او بنتك و عايزه يحكيلك بالتفصيل بيحصل معاه ايه في المدرسة او النادي او اي مكان ؟؟ ركزوا معايه

متسالش ابدا اسئلة عامة .. و مالهاش اجابات محددة .. زي مثلا عملت ايه النهاردة؟ .. ايه الاخبار ؟ .. غالبا الاجابة هتكون .. كويس .. الحمدلله .. بدون اي تفاصيل ترضيك .. او الاجابة اللي تنقطك .. (معملتش حاجة) زي ما بنتي بتعمل ..البنت قعدت 8 ساعات في المدرسة معملتش حاجة !!! .. على فكرة .. ابنك او بنتك مش قصده يغلس عليك والله و لا رافض يتكلم معاك .. هو بس مش عارف انت عايز تعرف ايه بالضبط .. او فعلا في احوال كتيرة مش فاكر ..
خلي اسئلتك دايما محددة .. زي مثلا .. انتي و صاحبتك الفلانية لعبتي ايه النهاردة ؟ .. ايه اكتر حاجة فرحتك النهاردة ؟ .. المس قالتلك .. ايه اول حاجة عملتيها لما دخلتي الكلاس ايه ؟ و هكذا .. هتلاقيه حتى تطوع يحكيلك حاجات تانية كتير .. و الكلام هيجيب بعضه

?#ثانيا:

اختار الوقت المناسب .. يعني مش اول ما يدخل البيت .. هتزنقه سين و جيم زي ضباط المباحث.. استنى لما يهدى و ياخد نفسه .. انت نفسك لو حد عمل معاك كده هتخبطه بالي في ايدك و محبكتش يعني و خلاص و بيتفرج على كارتونه المفضل او بيلعب انك تساله .. .. و افضل وقت تساله فيه .. قبل النوم .. الطفل ساعتها بيسترجع كل اللي حصله طول اليوم .. و كمان بيبقى مستخسر ينام و مستعد يتكلم معاك في اي حاجة .. حتى لو فتحت معاه في السياسة هيتكلم معاك !!!

?#ثالثا:

دائما و ابدا .. لازم تبين انك مهتم طول ماهو بيتكلم .. و ماتستهيفش اي حاجة يقولها .. كل اللي يقوله مهم .. و ماتغيرش الموضوع ابدا غير لما هو يخلص كلام ..

?#رابعا:

دايما تمدحه بزيادة .. طول ماهو بيتكلم و تعظم اي حاجة هو بيعملها و تخليه دايما فخور بنفسه .. الاحساس ده هيخليه لوحده يحكيلك من غير ما تسال اصلا .. مش كده و بس .. ده هتخليه نفسه يروح عشان يحكيلك ..

?#خامسا:

مرفوض تماما و ابدا انك تمتعض او تزعقله لو حكالك حاجة ماعجبتكش او غلط عمله .. استنى لتاني يوم تكلمه بالراحة و الافضل ان الاب و الام يقعدو مع بعض الاول يتشاوره ازاي يوصلو لابنهم ان اللي عمله ده غلط و مش هيكرره تاني .. غير كده .. لو وقفت على شعر راسك مش هيحكيلك حاجة تاني ..

?#سادسا:

هتحترم تعهداتك ليه .. الكلام اللي هيقلك عليه ماتقلش لحد .. يبقى لازم ماتقلوش لحد .. و لو لازم الام تعرف .. يبقى لازم ماتعرفوش انها عرفت .. هتعرف تكتم سره مهما كان في نظرك سخيف .. ماشي .. غير كده ماتتكلمش معاه احسن ..

?اعمل اللي انا كاتبه فوق ده .. صدقني بعد كده هو اللي هيجري عليك يحكيلك .. مش انت اللي هتساله ..