قلبك مؤمن برسايل ربنا ؟

كتبت ايمان جابر
يبقي اعتبر “الكلام” ده مكتوب علشانك :)) !

ماتبطلوش تدعوا ربنا فى كل وقت وماتيأسوش أبداً من رحمة ربنا ولا من

التأخير لأن أكيد كل ما ربنا بيتأخر فى أستجابته بيدينا أكتر بكتير من ما نتخيل

بس اللى أنا متأكد منه إن ربنا هايستجيب “وقال ربكُم إدعونى أستجب لكُم”

ربنا بيقسم الأرزاق بالمللى يعنى كل واحد بياخد رزقه زى غيره إن كان فى

الصحة المال الزوج الزوجه الأولاد حتى العيشه ولما بيحرمك من حاجه منهم

بتبقى لحكمة منه مايعلمش بيها غيره لما بترضى حتى بقليلك بيكرمك من حيث

لا تدرى “لئن شكرتُم لأزيدنكُم” فإشكروا ربنا كل لحظه ع نعمة اللى مغرقانا

ومفيش أبتلاء ربنا هايبتليك بيه إلا وتأكد إنك هاتعديه وهاتتحمله وترجع منه

أقوى “لا يُكلف الله نفساً إلا وسعها” تأكد ربنا أرحم عليك منك ومش بيبتليك إلا

علشان تفوق وترجع عن الغلط اللى بتعمله أو يختبر صبرك وع قده بتنول

“وبشر الصابرين” فيارب إجعلنا من الصابرين ع إبتلائك مهما كان صعب

عندى يقين دايماً إن ربنا مابيعملش حاجه وحشه لحد حتى لما بيبتلينا بيبقى

لسبب يعلمه بس عندى إقتناع أكتر إن رحمته أكبر بكتير مما نتخيل حتى لما

بيبتلينا بيبعت فى طريقنا اللى يسند ويهون ويطبطب وبيلهمنا الصبر علشان

نتحمل وع قد صبرنا بننول فيارب قوينا نتحمل وراضينا ع قد صبرنا

فصباح الخير لكل واحد لسه عنده أمل رغم التعب وقلة الحيله

للى لسه مأمن إن بعد العتمة أكيد فيه طريق نور للى راضى بكل اللى

ربنا كاتبه مهما كان للى صابر رغم كل الإبتلاء واللى لسه عنده يقين إن

الخير جاى أكيد ومتأكد إن عوض ربنا أحلى وأحسن من كل اللى فات

للى لسه مفقدوش الأمل فى رحمة ربنا ومستنيين إجابة دعواتهم

للى لسه بيعرفوا يضحكوا ويجبروا خواطر غيرهم بدون مناسبه

واللى بيعافروا للنهاية وما استسلموش واللى صابرين رغم كل الإبتلاء
للى تعبوا واللى ناموا وربنا العالم باللى فى قلوبهم وصحيوا ع أمل

يتحسنوا للصابرين ع كل البلاء والمبتسمين دايماً مهما كانوا بيعانوا

اللى مستنيين رحمة ربنا تطول قلوبهم اللى لسه ما فقدوش الأمل

اللى بيدعوا من كل قلبهم طول الوقت من غير ما ييأسوا