قصيدة هاجر

بقلم:الشاعر علي نجيب الشراري

أنا وعيوني والقمرة نبات صاحيين
ونغزل شِعر بالقافيه ما بين القلب والشرايين
فاتتسرسب بحور الشعر
والاقي الصبح جاي يجري وانا لسه في أول بيت
*********
أنا وعيوني والقمرة بنتقوى بنظراتك
بنستنا ليلاتي الليل عشان نكتب في حكاياتك
أتوه جواها في ضلوعك تعانديني وانا طوعك
أعيش ابني ف مقاديفك وإنتي تهدي ف قلوعي
*************
أنا وعيوني والقمرة ورابعنا الليل وشط النيل
وعصافيري اللي حابسها ف ضلوع صدري
وجزري ومد في عروقي اللي صار طوفان
أبيع الدنيا علشانِك وابات علي شطك الوردي ترديني واعود عطشان
واعيش مستني منك رد تديري الدفه عن مرساي
وكل ردودك ليا صد
*********
أنا وعيوني والقمرة وشوق وحنين مابين جَبلين
ماشي الخطاوي بهرولة
يمكن تحني بزمزمك
لانتي في إيمانك هاجر ولا كنت اناسماعيل
علشان يجكي من السماء جبريل
يضرب جناحه مابين رجولي
يخرج لي نبع المَّي فا تزمي لاجل نعيش
فا ماتحلميش
يستأذنوكي جُرهمك علشان ينولوا المَّي
كل اللي جاي حق انتفاع فَ ازاي تطلي بخطوتك لاجل ان اعيش انا حي
عاكس شعاع الضي من داخلي ينور ليكي كل طريق
يامعتمة كل الدروب حِني حلمي ف هواكي بسيط
لكن تقيل علي مُهجتك
مين اللي قالك تكتبيني غياب وانا جي في أول صَف
كل اما حاول اعيش ‏في هواكي تاخديني ليه 100 كف
واخدة قرار اني أعيش ميت وانا لسه فيا الروح
وان كنت انا المدبوح فَ سيبيني لَّما أخف

تحياتي علي نجيب الشراري